ភ្នំពេញ៖ នៅព្រឹកថ្ងៃទី៣០ ខែមីនា ឆ្នាំ២០២៤ នៅសាលាសង្កាត់ស្ទឹងមានជ័យទី២ មានកម្មវិធីចែកជូននូវប័ណ្ណសមធម៌សុខាភិបាល ជូនដល់ប្រជាពលរដ្ឋក្រីក្រចំនួន១៧៤គ្រួសារ ។
កម្មវិធីនេះបានរៀបចំដោយសមាគសប្បុរសធម៌ខ្មែរកម្ពុជាក្រោម និងមានការគោរពអញ្ជើញពីលោក សឿង សុធានី ប្រធានសមគមសប្បុរសធម៌ខ្មែរកម្ពុជាក្រោម ជាអធិបតី និងមានការចូលរួមសហការពីលោក លួស ស៊ីហា ប្រធានសមាគមទ្រទ្រង់ផ្នែកសេវាកម្សាន្ត និងសេដ្ឋកិច្ចក្រៅប្រព័ន្ធនៅកម្ពុជា និងលោក វ៉ា សារ៉ង ចៅសង្កាត់ចោមចៅទី២ នៅសាលាសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
ថ្លែងក្នុងពិធីចែកជូននូវប័ណ្ណសមធម៌សុខាភិបាលនេះ លោក សឿង សុធានី ប្រធានសមាគមសប្បុរសធម៌ខ្មែរកម្ពុជាក្រោម បានលើកឡើងថា ការធ្វើប័ណ្ណសមធម៌នេះ គឺសមាគមបានធ្វើឡើងជូនដល់ប្រជាពលរដ្ឋក្រក្រីពិតប្រាដក ដោយមិនប្រកាន់និន្នាការនយោបាយ ពណ៌សម្បុរ សាសនា ពិសេសលោកបានសំណូមពរដល់ប្រជាពលរដ្ឋខ្មែរក្រោម ដែលអញ្ជើញចាកចេញពីដែនដីកម្ពុជាក្រោម មករស់នៅព្រះរាជាណាចក្រកម្ពុជា ឬរាជធានីភ្នំពេញ សូមបងប្អូនមេត្តាប្រញាប់ធ្វើលិខិតស្នាមឲ្យបានត្រឹមត្រូវ ដើម្បីក្លាយជាប្រជាពលរដ្ឋខ្មែរស្របច្បាប់ និងបានសំណូមពរឲ្យបងប្អូនខ្មែរក្រោម ដែលរស់នៅប្រទេសកម្ពុជា ដែលមានជីវភាពក្រីក្រ សូមរុះរាន់ទំនាក់ទំនងមកក្រុមការងារដើម្បីរៀមចំឯកសារធ្វើប័ណ្ណសមធម៌ដូចប្រជាពលរដ្ឋខ្មែរខ្វះខាតទូទៅផងដែរ។
លោក សឿង សុធានី បានបន្តទៀតថា សូមបងប្អូនដែលក្រីក្រពិតប្រាដក មេត្តាយកចិត្តទុកដាក់ចំពោះប័ណ្ណសមធម៌មួយនេះ ព្រោះជាអាយុជីវិតរបស់យើង ព្រោះប័ណ្ណនេះមានអត្ថប្រយោជន៍ច្រើនណាស់ ដូចជាកាត់បន្ថយភាពក្រក្រី ធ្វើឲ្យយើងមានសុខភាពល្អ ឬជាពីជម្ងឺផ្សេងៗ ដោយការប្រើប្រាស់ប័ណ្ណនេះ ក្នុងការទទួលការព្យាបាល ដោយមិនអស់ថ្លៃសេវា ជាដើម។
បន្ទាប់ពីទទួលបានប័ណ្ណសមធម៌សុខាភិបាល ពីសមាគមសប្បុរសធម៌ខ្មែរកម្ពុជាក្រោម និងស្ថាប័ណ្ណពាក់ព័ន្ធរួច ប្រជាពលរដ្ឋ ក៏បានសម្តែងនូវសេចក្តីរំភើបរីករាយ និងបាថ្លែងអំណរគុណជូនដល់សមាគម និងរាជរដ្ឋាភិបាលកម្ពុជាដែលបានយកចិត្តទុកដាក់ជាមួយនឹងសុខទុកប្រជាពលរដ្ឋ សូមជួបនូវពុទ្ធពរទាំង៤ប្រការ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
