សមាគមសម្បុរសធម៌ខ្មែរកម្ពុជាក្រោមដែលដឹកនាំដោយលោក សឿង សុធានី ព្រមទាំងថ្នាក់ដឹកនាំ និងសមាជិកសមាជិកា តំណាងឱ្យខ្មែរកម្ពុជាក្រោម សូមគោរពអបអរសាទរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសទទួលបានសញ្ញាបត្របណ្ឌិតកិត្តិយស “ភាពជាអ្នកដឹកនាំ និងការកសាងសន្តិភាព” ពីសាកលវិទ្យាល័យ ដុងហ្គុកវាយស៍ (Dongguk Wise University) សាធារណរដ្ឋកូរ៉េ។
ការទទួលបានសញ្ញាបត្រនេះគឺមានការទទួលស្គាល់ទាំងក្នុងលក្ខណ៍តំបន់ និងលក្ខណ៍អន្តរជាតិដោយបូករួមទាំងសញ្ញាបត្រផ្សេងៗទៀតដែលសម្តេចទទួលបានគឺជាសក្ខីកម្មដែលបញ្ជាក់អំពីស្នាដៃ សមត្ថភាព និងទឹកចិត្តមហាសប្បុរសធម៌របស់សម្តេចដែលសង្គ្រោះមនុស្សរាប់លាននាក់និងរក្សាបាននូវសន្តិភាព ព្រមទាំងសមិទ្ធផលនៃការអភិវឌ្ឍយ៉ាងផុលផុសរហូតមកដល់បច្ចុប្បន្ន។ ការទទួលបាននេះគឺជាមហាកិត្តិយសរបស់សម្តេច ក៏ដូចជាមហាកិត្តិយសរបស់ប្រជាពលរដ្ឋខ្មែរទូទាំងប្រទេស។
