ជីវប្រវត្តិសម្តេចពោធិសាលរាជ សឺន ឌៀប អតីតចៅហ្វាយខេត្តឃ្លាំង និងជាឧកញ៉ាយមរាជ រដ្ឋមន្ត្រីក្រសួងយុត្តិធម៌ មន្ត្រីចតុស្តម្ភ ក្នុងរជ្ជកាលព្រះបាទនរោត្តម និងរជ្ជកាលព្រះបាទ ព្រះស៊ីសុវត្ថិ
សៀមរាប៖ តាមរយៈក្រុមអ្នកជំនាញនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានបញ្ចប់ជាស្ថាពរ នូវការងារជួសជុលខ្លោងទ្វារខាងលិចប្រាសាទបន្ទាយក្តី ដោយបានរៀបផ្គុំថ្មទៅតាមលំនាំរូបរាងដើមនៃខ្លោងទ្វារឡើងវិញ ដើម្បីលើកតម្លៃសំណង់បុរាណ នេះបើយោងតាមការបង្ហោះនៅផេកផ្លូវការអាជ្ញាធរជាតិអប្សរា នាថ្ងៃទី៣០ ខែមករា ឆ្នាំ២០២៤។ លោកស្រី នេត ស៊ីមន បុរាណវិទូ និងជាអ្នកមើលការខុសត្រូវនៅការដ្ឋានជួសជុលខ្លោងទ្វារខាងលិចប្រាសាទបន្ទាយក្តី បានឱ្យដឹងថា ការងារជួសជុលនៅខ្លោងទ្វារខាងលិចប្រាសាទបន្ទាយក្តីនេះ ត្រូវបានអនុវត្តចំនួនពីរដំណាក់កាល។ ដំណាក់កាលទីមួយ នៅក្នុងឆ្នាំ២០២០ ដោយចាប់ផ្តើមប្រមូលឯកសារ សិក្សាអំពីរូបរាង សម្រង់ប្លង់ សិក្សាអំពីហានិភ័យរបស់ខ្លោងទ្វារ និងចុះបញ្ជីថ្មនៅរាយប៉ាយជុំវិញខ្លោងទ្វារ។ ដំណាក់កាលទីពីរ ចាប់ផ្តើមពីឆ្នាំ២០២២មក អនុវត្តគម្រោងជួសជុលពង្រឹងតែម្តង មានការងាររុះរើថ្មទាំងអស់ ចាប់ពីគ្រឹះរហូតដល់កំពូលខាងលើ ទើបរៀបចំពង្រឹងគ្រឹះផ្គុំទៅតាមលំនាំដើមវិញ និងបានបញ្ចប់ការជួសជុលជាស្ថាពរនាចុងឆ្នាំ២០២៣។ លោកស្រីថា បញ្ហាប្រឈមជាច្រើននៅក្នុងពេលរៀបផ្គុំថ្មឡើងវិញ ដោយសារថ្មបុរាណតែងមានល្បាក់។ ក្រោយបញ្ចប់ការងារជួសជុលជាស្ថាពរ អ្នកជំនាញរំពឹងថា ខ្លោងទ្វារខាងលិចប្រាសាទបន្ទាយក្តី និងរឹងមាំឡើងវិញ ធានាសុវត្ថិភាពសម្រាប់ទេសចរឆ្លងកាត់ និងចូលមកផ្តិតយករូបភាពដ៏ស្រស់ស្អាតនៅទីនេះ។ ជាពិសេសបានលើកតម្លៃសំណង់បុរាណ រក្សាស្នាដៃទុកជាមរតកសម្រាប់មនុស្សជំនាន់ក្រោយ។ […]
ប្រវត្តិសង្ខេប និងទិដ្ឋភាពខ្លះៗ យ៉ាងស្រស់គយគន់របស់ វត្តមង្គលឧទ្យាន ហៅ( វត្តកិញ្ឆាង )ស្ថិតក្នុងស្រុកកំពង់ស្ពាន ខេត្តព្រះត្រពាំង កម្ពុជាក្រោម។ វត្តមង្គលឧទ្យាន (កិញ្ឆាង) នឹងប្រារព្ធនូវពិធីបុណ្យសម្ភោធព្រះវិហារ និងបញ្ចុះខណ្ឌសីមា នៅថ្ងៃទី១,២,៣ ខែមិនា ឆ្នាំ២០២៤ ខាងមុខនេះ។
វិស័យអប់រំ ពិតជាសំខាន់ណាស់ ទៅាំងវិស័យពុទ្ធចក្រ និងអាណាចក្រ ដើម្បីឲ្យសង្គម និងប្រទេសជាតិយើងមានភាពរីកចម្រើន និងអភិវឌ្ឍន៍ អ្វីដែលសំខាន់ត្រូវបណ្តុះបណ្តាល និងកសាងនូវចំណេះដឹងក្នុងសង្គមជាមុនសិន ។ ក្រលេកមកមើលវិស័យអប់រំនៃពុទ្ធិកសិក្សាបច្ចុប្បន្ន នៅកម្ពុជាក្រោម ផ្ដោតសំខាន់តែទៅលើការរៀនអក្សរសាស្ត្រខ្មែរ ភាសាបាលី និងធម៌អាថ៌ ។ សាលាពុទ្ធិកសិក្សា គឺជាថ្នាលបណ្ដុះនូវចំណេះដឹងផ្សេងៗ សម្រាប់អ្នកបួស ឬបព្វជិតក្នុងព្រះពុទ្ធសាសនា ដើម្បីបានយល់ដឹងអំពីពុទ្ធវចនៈ ឬពាក្យទូន្មានអប់រំទាំងឡាយរបស់ព្រះសម្មាសម្ពុទ្ធ ។ ជាពិសេស បណ្ដុះបណ្ដាលកុលបុត្រខ្មែរក្រោម ដែលបួសជាសង្ឃ ចូលមកសិក្សាផ្លូវពុទ្ធចក្រ និងលុបបំបាត់គ្រោះអនក្ខរភាព នៅក្នុងសង្គមកម្ពុជាក្រោម ដើម្បីចូលរួមចំណែកលើកកម្ពស់ភាសាជាតិ និងតម្លៃព្រះពុទ្ធសាសនា ។ ក្នុងរយៈពេលមួយទសវត្សរ៍ចុងក្រោយនេះ វិស័យអប់រំផ្នែកពុទ្ធិក នៅដែនដីកម្ពុជាក្រោម មានការវិវត្តន៍គួរឲ្យកត់សម្គាល់ ដោយមានព្រះសង្ឃ ជាពិសេសយុវ័ន យុវតី កុមារជាច្រើន បានចូលមករៀនសូត្រ ក្រោយពីវ៉ាកងពីសាលារដ្ឋរយៈពេល ៣ ខែ ។ កម្មវិធីសិក្សាថ្នាក់ពុទ្ធិកសិក្សា នៅកម្ពុជាក្រោម ស្ថិតក្រោមការចាត់តាំងរបស់គណៈមន្ត្រីសង្ឃខ្មែរ ដែលមានឈ្មោះថា «សមាគមព្រះសង្ឃសាមគ្គីស្នេហាជាតិ» […]
ក្រុមហ៊ុន Blue Circle របស់បារាំង ចាប់អារម្មណ៍វិនិយោគលើថាមពលកកើតឡើងវិញ ពិសេសថាមពលដែលដើរដោយកម្លាំងខ្យល់នៅកម្ពុជាក្រោយក្រុមហ៊ុននេះបានកត់សម្គាល់ឃើញថាខេត្តចំនួនពីរនៅកម្ពុជា មានខេត្តកំពត និងខេត្តមណ្ឌលគិរី ដែលអាចផ្តល់លទ្ធភាពផលិតអគ្គិសនីដើរដោយកម្លាំងខ្យល់បាន។ ក្នុងកិច្ចជំនួបជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា នាថ្ងៃទី១៥ ខែមករា ឆ្នាំ២០២៤ នៅទីក្រុងប៉ារីស ប្រទេសបារាំង លោក Olivier Duguet ប្រធាន និងជានាយកប្រតិបត្តិក្រុមហ៊ុន Blue Circle បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្តែងការគួរសម ព្រមទាំងបានជម្រាបអំពីវឌ្ឍនភាពរីកចម្រើន នៃសកម្មភាពអាជីវកម្មរបស់ក្រុមហ៊ុន Blue Circle និងអំពីគម្រោងនៃការពង្រីកការវិនិយោគរបស់ខ្លួននៅក្នុងប្រទេសកម្ពុជាផងដែរ។ លោកនាយកប្រតិបត្តិក្រុមហ៊ុន បានគូសរំលេចជូនសម្តេចធិបតីថា ក្រុមហ៊ុន របស់លោក គឺជាក្រុមហ៊ុន មានជំនាញ និងបទពិសោធន៍ក្នុងអាជីវកម្មថាមពលកកើតឡើងវិញ ពិសេសថាមពលដែលដើរដោយកម្លាំងខ្យល់ ហើយកន្លងមកតំណាងក្រុមហ៊ុនរបស់លោក បានធ្លាប់មកកាន់តំបន់អាស៊ី រួមទាំងកម្ពុជាផងដែរ និងបានជួបពិភាក្សាជាមួយក្រុមហ៊ុនដែលជាដៃគូក្នុងស្រុក ក្នុងការសិក្សាស្វែងយល់ពីស្ថានភាពភូមិសាស្រ្តនៅកម្ពុជា និងរកទីតាំងដែលសម្បូរខ្យល់ ក្នុងកម្រិតល្បឿនល្អដែលអាចផលិតជាថាមពលអគ្គិសនីបាន។ […]
ទីបំផុតតៃវ៉ាន់រកបានមេដឹកនាំថ្មីរបស់ខ្លួនឃើញហើយ បន្ទាប់ពីលោក Lai Ching-te មកពីគណបក្សវឌ្ឍនភាពប្រជាធិបតេយ្យ (DPP) ត្រូវបានពលរដ្ឋផ្ដល់សេចក្ដីទុកចិត្តបោះឆ្នោតឲ្យឈ្នះតំណែងជាប្រធានាធិបតីក្នុងសំឡេងគាំទ្រជិត ៥.៦ លានសំឡេង ឬ ៤០ ភាគរយនៃសំឡេងឆ្នោតបានការ ខណៈទាំងថ្នាក់ដឹកនាំសហរដ្ឋអាមេរិក និងចិនសុទ្ធតែចេញមកប្រតិកម្មចំពោះការជ្រើសបានមេដឹកនាំថ្មីនេះ ។ នេះបើយោងតាមការចុះផ្សាយរបស់សារព័ត៌មាន Al Jazeera នៅថ្ងៃអាទិត្យ ទី១៤ ខែមករានេះ ។ លោក Lai Ching-te (កណ្ដាល) លោក Chen Binhua អ្នកនាំពាក្យការិយាល័យចិនទទួលបន្ទុកកិច្ចការតៃវ៉ាន់បាននិយាយក្នុងសេចក្ដីថ្លែងការណ៍មួយថា “ការបង្រួបបង្រួមជាតិជាមួយតៃវ៉ាន់នៅតែជារឿងចៀសមិនរួច ក្រោយលោក Lai Ching-te ជាប់ឆ្នោតជាប្រធានាធិបតីថ្មីរបស់កោះដែលរដ្ឋាភិបាលទីក្រុងប៉េកាំងចាត់ទុកថាជាខេត្តមួយរបស់ខ្លួន” ។ នៅក្នុងសេចក្ដីថ្លែងការណ៍ដែលចុះផ្សាយដោយទីភ្នាក់ងារព័ត៌មានចិន Xinhua, លោក Binhua បានលើកឡើងទៀតថា ចិនសូមប្រឆាំងយ៉ាងដាច់ខាតចំពោះសកម្មភាព “ឯករាជ្យភាពតៃវ៉ាន់” ព្រមទាំងការជ្រៀតជ្រែកពីបរទេសផងដែរ ជាពិសេសលទ្ធផលឈ្នះឆ្នោតរបស់បក្ស DPP ក៏មិនអាចតំណាងឲ្យសាធារណមតិរបស់ដែនកោះមួយនេះនោះដែរ” ។ លោក Chen Binhua អ្នកនាំពាក្យរូបនេះបញ្ជាក់ថា លទ្ធផលនៃការបោះឆ្នោតនេះនឹងមិនផ្លាស់ប្តូរ […]
វេទិកាសេដ្ឋកិច្ចពិភពលោក (WEF) ក្នុងឆ្នាំ ២០២៤ នេះនឹងរៀបចំឡើងរយៈពេល ៥ ថ្ងៃ ចាប់ពីថ្ងៃទី១៥ ដល់ថ្ងៃទី១៩ ខែមករា ក្នុងទីក្រុង Davos ប្រទេសស្វីស ខណៈសម្ដេចធិបតី ហ៊ុន ម៉ាណែត នាយករដ្ឋមន្ត្រីរបស់ព្រះរាជាណាចក្រកម្ពុជា ក៏នឹងអញ្ជើញចូលរួមក្នុងវេទិកាមួយនេះផងដែរ ។ កិច្ចប្រជុំប្រចាំឆ្នាំ ២០២៤ នៅរដូវរងានេះនឹងផ្ដោតលើកិច្ចពិភាក្សាជុំវិញមូលបទ “ការកសាងទំនុកចិត្តឡើងវិញ” ដែលមានការអញ្ជើញចូលរួមពីសំណាក់ថ្នាក់ដឹកនាំជាង ២,៨០០ នាក់មកពីវិស័យនយោបាយ ធុរកិច្ច សង្គមស៊ីវិល និងប្រព័ន្ធផ្សព្វផ្សាយប្រមាណជា ១២០ ប្រទេស ។ ដូច្នេះអ្វីទៅជាវេទិកាសេដ្ឋកិច្ចពិភពលោក? បង្កើតឡើងនៅឆ្នាំណា និងដោយអ្នកណា ហើយមានគោលបំណងអ្វី? មានទីស្នាក់ការកណ្តាលនៅទីក្រុងហ្សឺណែវ ប្រទេសស្វីស, វេទិកាសេដ្ឋកិច្ចពិភពលោក (WEF) គឺជាអង្គការអន្តរជាតិមិនស្វែងរកប្រាក់ចំណូល ឬប្រាក់ចំណេញ ដោយផ្តោតលើការលើកកម្ពស់កិច្ចសហប្រតិបត្តិការរវាងវិស័យសាធារណៈ និងឯកជន ។ វេទិកាដែលតែងតែរៀបចំឡើងនៅខែមករាក្នុងទីក្រុង Davos ជារមនីយដ្ឋានតំបន់ភ្នំដ៏ស្រស់ត្រកាល គឺត្រូវបានកកើត និងលេចរូបរាងឡើងក្នុងឆ្នាំ […]
បច្ចេកវិទ្យាកាន់តែវិវត្តន៍ទៅមុខ តែអ្នកប្រើប្រាស់ប្រព័ន្ធបច្ចេកវិទ្យាភាគច្រើន មិនសូវជាបានយល់ច្បាស់ ពីគុណតម្លៃ និងគុណវិបត្តិនៃបច្ចេកវិទ្យាប៉ុន្មានទេ។ ជាទូទៅ ជនអនាមិក (Hacker) តែងមានវិធីសាស្ត្រ និងរបៀបដែលអាចលួចយកទិន្នន័យផ្ទាល់ខ្លួនរបស់យើងបាន មិនថាតាមមធ្យោបាយបោកបន្លំដោយប្រយោល ឬតាមប្រព័ន្ធបច្ចេកវិទ្យានោះទេ ដូចជាចូលទៅគ្រប់គ្រងគណនីបណ្តាញទំនាក់ទំនងសង្គម ឬកម្មវិធីធនាគារតាមប្រព័ន្ធអនឡាញជាដើម។ នៅពេលនេះ ខ្មែរបាសាក់ សូមណែនាំគន្លឹះខ្លះៗ ដើម្បីទប់ស្កាត់ហនិភ័យខាងលើបានទាន់ពេលវេលា។ ១. ផ្លាស់ប្តូរលេខ/ពាក្យសម្ងាត់ភ្លាមៗ ជាទូទៅ យើងនឹងអាចដឹងបាន តាមរយៈការកំណត់មុខងារសុវត្ថិភាពមួយចំនួន។ បើសិនជាមានអ្នកកំពុងព្យាយាមធ្វើ សកម្មភាពអ្វីមួយលើកម្មវិធីទូរសព្ទដៃ នោះវានឹងលោត notification ពីកម្មវិធីទាំងនោះ ឬ Email ហើយទាមទារឱ្យ យើង Verify ខណៈយើងមិនបានធ្វើអ្វីសោះ។ បើសិនជាបែបនេះ មិនអាចបង្អង់យូរបានទេ ត្រូវផ្លាស់ប្តូរលេខសម្ងាត់ ភ្លាមៗ តែលេខឬពាក្យសម្ងាត់នោះ មិនត្រូវងាយឱ្យគេទាយដឹងពេកនោះទេ ត្រូវបង្កើត Strong Password (ឧទាហរណ៍: Stangystingy@05!79#23) ។ ២. ដំណើរការកម្មវិធីប្រឆាំងមេរោគ សម្រាប់មធ្យោបាយមួយនេះ […]
អ្នកប្រើប្រាស់បណ្តាញសង្គមនៅកម្ពុជា កំពុងមានការចាប់អារម្មណ៍ និងចែករំលែកតៗគ្នាយ៉ាងច្រើនអំពីរថយន្តដែលដំឡើងក្នុងប្រទេស ត្រូវបានដាក់លក់នៅទីផ្សារក្នុងស្រុកជាលើកដំបូង នាដើមឆ្នាំ២០២៤នេះ។ រថយន្តដែលដំឡើងក្នុងស្រុកនោះ គឺជារបស់ក្រុមហ៊ុន GTV Motor រួមមាន ប្រភេទ ភីកអាប់ SUV និងស៊ីដេន ហើយក្រៅពីនេះក៏មានប្រភេទ MPV និង Truck ផងដែរ។ ក្នុងនោះសម្រាប់ម៉ូឌែល KAIN ដែលជាប្រភេទ SUV ខ្នាតកណ្តាល មានតម្លៃជាង ៣ម៉ឺនដុល្លារ និងម៉ូឌែល Krusar ដែលជាកូនកាត់ SUV-Pick up តម្លៃជាង ២ម៉ឺន ៧ពាន់ដុល្លារ ហើយជាពិសេសកាន់តែធូរថ្លៃទៀតនោះ គឺម៉ូឌែល Soben តម្លៃតែ ១៩ ៩៩៩ដុល្លារតែប៉ុណ្ណោះ។ ការបញ្ចេញលក់រថយន្តដំឡើងក្នុងស្រុកនេះ គឺជាសញ្ញាវិជ្ជមានដ៏ល្អបំផុតមួយទៀតក្នុងវិស័យឧស្សាហកម្មយានយន្តនៅកម្ពុជា បន្ទាប់ពីថ្មីៗនេះ ក៏មានការបញ្ចេញលក់សំបកកង់ដែលផលិតនៅកម្ពុជាផងដែរ។ បើតាមក្រុមហ៊ុន GTV Motor បានបង្ហោះនៅលើផេកហ្វេសប៊ុករបស់ខ្លួនថា ក្រុមហ៊ុនបានចាប់ផ្តើមជាមួយ «គម្រោងរថយន្តជាតិប្រទេសកម្ពុជា […]
នៅពេលរថយន្តដំណើរការមិនស្រួល ឆេះអត់ស្មើ ឬញ័រកន្រ្តាក់ៗជាដើម អ្នកបើកបរភាគច្រើនតែងគិតដល់ការខូចប៊ូស៊ី ឬម៉ូប៊ីន។ ក្នុងករណីខ្លះ បញ្ហាប៊ិចសាំង ក៏ធ្វើឱ្យរថយន្តដំណើរការមិនស្រួលបែបនេះដែរ ប៉ុន្តែមានចំណុចមួយចំនួនទៀត ដែលលោកអ្នកអាចកត់សម្គាល់បានថា វាគឺជាបញ្ហាប្រព័ន្ធប៊ិចសាំងនេះតែម្តង។ ១. ចេញសញ្ញា Check ជាន់ស្ទក់ និងឡានឆេះអត់ស្មើ ករណីនេះ គឺស្រដៀងខ្លាំងណាស់ នឹងបញ្ហាម៉ូប៊ីន និងប៊ូស៊ី។ ដូច្នេះមានតែប្រើឧបករណ៍ស្កេន Check តែប៉ុណ្ណោះ ដើម្បីដឹងលេខកូតរបស់វា។ ជាទូទៅប្រព័ន្ធប៊ិចសាំង មានលេខកូត Check ដូចជា P0261, P0266 និង P0253 ជាដើម។ ២. ធំក្លិនសាំង នៅពេលកំពុងធ្វើដំណើរ ស្រាប់តែធំក្លិនសាំងខ្លាំងក្នុងកាប៊ីន នោះបញ្ជាក់ថា អាចនឹងមានលេចធ្លាយក្នុងប្រព័ន្ធប៊ិចសាំងនេះ។ ៣. ចេញផ្សែង នៅពេលប្រព័ន្ធប៊ិចសាំងមានបញ្ហា ធ្វើឱ្យការដុតរវាងសាំង និងល្បាយខ្យល់ក្នុងបន្ទប់ចំហេះមិនត្រឹមត្រូវ ឬមានសាំងច្រើនដែលមិនត្រូវបានដុត បណ្តាលឱ្យហូរចូលដល់ប្រព័ន្ធបញ្ចេញផ្សែង ហើយមានផ្សែងខ្មៅចេញតាមបំពង់ស៊ឺមុំាងទៀតផង។ ៤. រថយន្តស៊ីសាំងជាងមុន ជាការពិតណាស់ […]
